Қарағандыда ер адам әріптесінің ұялы телефонын ұрлап кеткен, – деп хабарлайды Polisia.kz.
25 ақпанда Қарағанды қаласының ПБ Октябрь полиция бөліміне 31 жастағы қала тұрғыны арызданған. Ол ЖШС-нің бірінде жұмыс істейтінін айтты. Кәсіпорынның киім ауыстыратын бөлмесіне белгісіз біреу кіріп, арызданушының күртешесінен ұялы телефонын ұрлап кеткен. Келтірілген шығын көлемі 160 мың теңгені құрады.
Жедел-іздестіру іс-шаралары барысында криминалдық полиция қызметкерлері күдікті – жәбірленушінің әріптесі 30 жастағы ер адамды анықтап, ұстады. Күдікті кінәсін мойындады. Айғақты зат – ұялы телефон тәркіленді.
ҚР Қылмыстық іс жүргізу кодексінің 188-бабы (Ұрлық) бойынша қылмыстық іс қозғалды. Қазіргі уақытта тергеу амалдары жүргізілуде.
