Шымкентте полицейлер жоғалған 74 жастағы қарияны тапты, – деп хабарлайды Polisia.kz.
25 тамызда Әл-Фараби АПБ-на жергілікті тұрғын жүгініп, 74 жастағы қайын атасы үйінен шығып кетіп, қайта оралмағанын хабарлаған. Альцгеймер дертімен ауыратын атасының қайда екенін білмей дал болған азаматша тәртіп сақшыларынан көмек сұраған.
Полицейлер жедел-іздестіру шараларын ұйымдастырып, тиісті аумақтағы аулалар мен бейнебақылау камераларын қарап, сұрастыру-анықтау жұмыстарына кіріскен.
Полиция қызметкерлерінің жұмысты жылдам ұйымдастыруының нәтижесінде жоғалған қария табылған.
Өз кезегінде сақшылардың жедел әрекетіне тәнті болған жоғалған қарияның келіні алғыс айтып, ризашылығын білдірді.
