Қызылордада масаң күйде көлік басқарған жүргізуші ұсталды, – деп хабарлайды Polisia.kz
9 қазан күні сағат таңғы уақыт 06:10 шамасында Қызылорда қаласы Желтоқсан көшесі бойында Ravon автокөлігін тоқтатып тексеру барысында жеке басын анықтау барысында жүргізуші алкогольді спирт ішімдігін ішкендігі анықталды.
Наркологиялық сараптама нәтижесі бойынша құқық бұзушының орта дәрежелі масаң күйде болғандығы анықталды.
Тәртіп бұзушыға қатысты Қазақстан Республикасының Әкімшілік құқық бұзушылық туралы Кодексінің 608-бабының 1-бөлігі (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруы) бойынша әкімшілік хаттама толтырылып, автокөлігі айып алаңына қойылды.
Жол-көлік оқиғасының алдын алу және болдырмау шараларын күшейту мақсатында полиция қызметкерлері қала тұрғындарын жолдардағы ерекше жауапкершілік туралы ескертеді.
