Ақмола тұрғыны 25 пакет минералды жүн ұрлаған, – деп хабарлайды Polisia.kz.
23 қарашада Бұланды ауданының полиция бөліміне ЖШС қауіпсіздік қызметінің бастығынан кәсіпорынның қоймасынан белгісіз адам 25 қаптама минералды жүн ұрлап әкеткені туралы телефон хабарламасы келіп түсті. Келтірілген залал сомасы 219 мың теңгеден асты.
Жедел-іздестіру іс-шараларын жүргізу барысында қаскүнемнің жеке басы анықталды. Ол бұрын сотталмаған Макинск қаласының 30 жастағы тұрғыны болып шықты. Ақмолалық тұрғын қойма үй-жайына кіріп, минералды плитаның 25 қаптамасын шығарғанын мойындады. Ер адам үйін жылыту үшін жылу сақтағыш материалдың 16 пакетін пайдалануды жоспарлап, 9 пакетін сатқан.
Осы факті бойынша сотқа дейінгі тергеу аяқталды. ҚР ҚК 188-бабының 3-бөлігі «Ұрлық» бойынша қылмыстық іс сотқа жіберілді. Заттай дәлелдемелер алынып, қылмыстық іс материалдарына қоса тіркелді.
