Ертіс полицейлері балаларға экскурсия ұйымдастырды, – деп хабарлайды Polisia.kz.
Ертіс ауданының тәртіп сақшылары қысқы демалыста мектеп балаларына полиция бөліміне экскурсия ұйымдастырды.
Бағдарлама өте мазмұнды болды. Экскурсиялық тур акт залынан басталды, экскурсияда кәмелетке толмағандар істер жөніндегі учаскелік полиция инспекторы Әлия Мұсабекова балаларға Ұлы Отан соғысы мен ішкі істер органдарының ардагері Оразбай Қуанышев пен Ғазиз Байтасов туралы айтып берді.
Содан кейін полицейлер балаларға қоғамдық тәртіпті сақтау қызметін атқару кезінде полицейлер қолданатын арнайы құралдарды көрсетті. Балаларға осы құралдар не үшін пайдаланылатынын да айтты.
Ұлдар мен қыздарға оқ өтпейтін кеудешелерді киіп көруге, қолдарында соққыға қарсы қалқандар мен резеңке таяқшаларды ұстауға мүмкіндік берілді.
Балаларға полицей мамандығы туралы көп нәрсені білуге, бірнеше минут бойы құқық қорғау органдарының қорғаушысы болуға қызығушылық танытты. Жас қонақтар полиция қызметкері өте шыдамды және төзімді адам болуы керек деген қорытындыға келді.
