Қостанай облысы ПД психологтарымен полиция бөлімшелерінің қызметкерлері үшін тимбилдинг өткізілді, – деп хабарлайды Polisia.kz.
Тимбилдингтер эмоционалдық көңіл күйге, қызметтік ұжымдарды біріктіру, жауынгерлік рухты көтеру үшін өткізіледі.
– Ұжымды біріктіру – әртүрлі бағыттарды қамтитын команда құрудың негізгі міндеті. Бұл өзара қарым-қатынас орнатуға, көшбасшылық қасиеттерді анықтауға және полиция қызметкерлерінің әлеуетін ашуға бағытталған бағдарлама, – деп атап өтті Қостанай қаласы полиция басқармасының психологы Әйгерім Аетова.
Бұл жолы іс-шараларға криминалдық полиция қызметкерлері мен олардың отбасылары қатысты. Тренингке қатысушылар психологтарға алғыстарын білдіріп, аталған іс-шаралар полиция қызметкерлеріне күнделікті қызметінде кәсіби қолдау көрсететінін атап өтті.
