Астанада ер адам сүт тасығыш көліктен ЖҚС жанармай картасын ұрлап кеткен, – деп хабарлайды Polisia.kz.
25 жастағы астаналық бұған дейін ЖШС-де, сүтті түсіруде қысқа уақыт жұмыс істеген және жүргізушінің кабинасында жанармай құю станциясының отын картасы жатқанын білген.
Кешкі уақытта жігіт көліктер тұрған ЖШС аумағына кіріп кеткен. Есігі ашық тұрған JAC жүк көлігін көргеннен кейін ол салонынан картаны алып кеткен. Кейін жас жігіт жанармай құю станциясының филиалдарының бірінен отын сатып алған. Күдікті 87 мың теңгеден астам сомаға 300 литр дизель отынын сатып алған.
Бұрынғы қызметкерге қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр.
Ер адам мойындау көрсетпелерін берді, оның елорда аумағында бұрын жасалған осыған ұқсас қылмыстарға қатысы бар-жоғы тексеріледі.
