ШҚО полицейлері жолаушыларды тасымалдауды жүзеге асыратын ұйымдардың өкілдерімен кездесті, - деп хабарлайды Polisia.kz.
Жұмыс кездесуіне ТҮКШ бөлімінің және облыс орталығының жолаушылар тасымалдауды басқару орталығының басшылығы да қатысты. Кездесуде ШҚО ПД бастығының бірінші орынбасары Думан Қожахметов қоғамдық көліктер мен автобекеттерде азаматтардың қауіпсіздігін қамтамасыз етудің маңыздылығын және бұл полицияның басты міндеті екенін атап өтті.
Департамент басқармаларының бастықтары Талғат Нұриев пен Еркін Әнуарбеков қатысушыларды өңірдегі криминогендік ахуалдың жай-күйі мен және жолаушыларды тасымалдау саласындағы проблемалық мәселелермен таныстырды. Шығыс Қазақстан облысының аумағында 173 автобус маршруты ұйымдастырылған, оның ішінде 147 облысішілік, 23 облысаралық, 3 халықаралық автобус. Жолаушыларды тасымалдауға 669 автобус пен шағын автобус тартылған, оның ішінде қалалық автобустар – 508, ауданішілік автобустар – 90, ауданаралық автобустар – 52, облысаралық автобустар - 19.
Автотасымалдаушылар жол қозғалысын ұйымдастыруды жақсарту мүмкіндіктері, автобустарды бейнебақылау жүйелерімен жарақтандыру қажеттілігі туралы өз пікірлерімен және ұсыныстарымен бөлісті.
Полиция қызметкерлері өз кезегінде желіге шығар алдында, сондай-ақ тасымалдауды жүзеге асыру кезінде маршруттарда автобус парктерінің жылжымалы құрамының техникалық жағдайына қойылатын талаптарды қатаң сақтау қажеттілігін ескертті.
Айта кетейік, 11-13 қаңтары аралығында облыс аумағында "Автобус-тасымалдаушы" жедел - профилактикалық іс шарасы өтеді, оның негізгі мақсаты - қоғамдық көлік ішіндегі кез келген құқық бұзушылықтарға "мүлдем төзбеушілік" және жүргізушілер мен жолаушылардың қауіпсіздігін қамтамасыз ету.
