Павлодар облысының учаскелік полицейлері науқас баланы дер кезінде ауруханаға жеткізді, – деп хабарлайды Polisia.kz.
Павлодар облысы ПД бастығы Василий Склярдың атына Шарбақты ауданы ПБ қызметкерлерінің адал атқарған борышы үшін Шарбақты ауылының дәрігерлерінен алғыс хат келіп түсті.
– 14 қаңтар сағат 18:00-де Шарбақты ауданы Александровка ауылынан 9 жасар Базарбай Нұрдәулетке анасы жедел жәрдем шақырды. Тексеру кезінде балада аппендицит белгілері байқалды және оны шұғыл түрде аудандық ауруханаға апару керек болды. Бұл күндері облыс жолдарында қатты жел, жаңбыр болып, қар жауды.
Синоптиктер болжамды дауыл болатынын ескертті. Қарлы боран салдарынан бірқатар жолдар жабылды. Баланың анасы учаскелік полицей Талғат Смақовқа жүгінді. Полиция қызметкері Талғат Сқақов автопатруль экипажының құрамында Ерғанат Жанғазинов және Арман Әбдіғалиевпен бірге кішкентай науқасты анасымен бірге аудандық ауруханаға дейін ертіп алып барды. Келгеннен кейін баланы кезекші дәрігер қарап, талдаулар алынды, содан кейін олар шұғыл түрде Павлодар облыстық балалар ауруханасының қабылдау бөліміне жіберілді. Олар арнайы жарық пен дыбыстық сигналдарды қосып, олар қарлы жолдардан тез өтіп, кептеліске ұшырамай, межелі жерге аман-есен жетті. Сол күні балаға сәтті операция жасалды, қазір ол одан әрі емдеу үшін хирургиялық бөлімге ауыстырылды, жағдайы тұрақты.
Учаскелік инспектор мен жол патрульдік полициясының үйлесімді жұмысының арқасында Нұрдәулет ауыр зардаптардан құтылып, балаға шұғыл көмек көрсету үшін уақытылы ауруханаға жеткізілді, – деп атап өтті дәрігерлер.
Әрбір тәртіп сақшысы қиын жағдайда адамдарға көмектеседі. Тәртіп сақшылары Нұрдәулетке тезірек сауығып, үйіне тез оралуын тілейді.
