Павлодар облысының полицейлері жоғалған жылқыларды тапты, – деп хабарлайды Polisia.kz.
Павлодар облысындағы Үміт-апа ауылының тұрғыны полицияға еркін жайылымда жүрген үш бас жылқысынан айырылғаны туралы арызбен жүгінді. Ер адам жоғалған жылқыларды өз күшімен табуға тырысты, бірақ нәтиже болмады.
Криминалдық полиция қызметкерлері жылқылардың орналасқан жерін анықтау үшін дереу шаралар қабылдады.
– Іздеу іс-шаралары барысында полицейлер жоғалған жылқыларды Успен ауданы Константиновка ауылының маңындағы даладан тапты. Иесі өз жануарларын таныды. Ауыл тұрғыны полиция қызметкерлеріне көрсеткен көмегі үшін шын жүректен алғысын білдірді, – дейді Павлодар ауданы полиция бөлімінде.
Құқықтық тәртіп сақшылары халыққа жеке қосалқы шаруашылықтардағы малдың сақталуын бақылауды күшейту туралы өтінішпен жүгінеді және азаматтарды қырағы болуға, жайылымдарда малды қараусыз қалдырмауға шақырады, өйткені бақылаусыз жайылып жүрген мал қылмыскерлердің оңай олжасына айналады.
