Жетісу облысының полицейлері арасында спорт шебері Жұман Темірбаевтың құрметіне волейболдан жарыс ұйымдастырылды, – деп хабарлайды Polisia.kz.
“Динамо” спорт қоғамында Жетісу өңірінің полицейлері арасында волейболдан жарыс өтті. Бұл жарыс волейбол үздігі атанған спорт шебері Жұман Темірбаевтың құрметіне ұйымдастырылды. Аталған іс-шараны “Динамо” дене-шынықтыру спорт қоғамымен облыстық полиция департаменті бірлесіп ұйымдастырды.
Жарыстың салтанатты ашылуы Жетісу облыстық полиция департаментінің бастығы Сарқытбай Құсайыновтың құттықтау сөзімен басталды. Ол өз сөзінде жолдастық рухты және құқық қорғау қызметкерлері арасында дене шынықтыру дайындығын нығайту үшін осындай іс-шаралардың маңыздылығын атап өтті.
Одан кейін отставкадағы генерал-майор, Қазақстан Республикасы Ішкі істер министрлігі Арнайы дайындық департаментінің бұрынғы бастығы Асқар Оспанов сөз алды. Ол полиция қызметкерлерінің өміріндегі спорттың маңыздылығына тоқталып, салауатты өмір салтын және кәсіби спортты насихаттауға қосқан үлестері үшін жарысқа қатысушылар мен ұйымдастырушыларға алғысын білдірді.
Полицейлер арасындағы волейбол жарысы шиеленісті болғанымен, достық жағдайда өтті. Қатысушылар тамаша командалық ойын және стратегиялық ойлау қабілеттерін көрсете отырып, жоғары дайындық пен шеберлік көрсетті. Жарыс бірнеше кезеңде өтіп, әр команда жеңіске бар күшін салып, өзін жақсы жағынан көрсетуге тырысты.
– Мұндай іс-шаралар полиция қызметкерлерінің физикалық белсенділігін арттырып, денсаулығын жақсартуға ғана емес, сонымен қатар ұжымдық рухты қалыптастыруға, ұжымдағы өзара түсіністік пен өзара әрекеттесуді жақсартуға көмектеседі. Бұл әсіресе жүйелілік пен әріптестердің қолдауы, тапсырмаларды сәтті орындаудың негізгі факторы болып табылатын құқық қорғау органдарының жұмысында маңызды, – деді Жетісу облысы полиция департаментінің бастығы Сарқытбай Құсайынов.
Жарыс қорытындысы бойынша жеңімпаздар мен жүлдегерлер анықталып, бірінші орынды полиция департаментінің командасы, екінші орынды Ішкі істер министрлігінің ардагерлері және үшінші орынға Панфилов АПБ ие болды. Барлық қатысушыларға естелік сыйлықтар мен дипломдар табыс етілді. Үздік ойыншылар арнайы сыйлықтарға ие болса, жеңімпаз командаға турнирдің бас кубогы табыс етілді.
Мұндай іс-шаралардың өткізілуі үздік спортшыларды марапаттау дәстүрін жалғастырып, полиция қызметкерлерінің спорттық рухын нығайтуға ықпал етеді.
