Қызылорда облысы полиция департаменті бастығының орынбасары Оралбек Омаров қоян-қолтық ұрыстан және ережесіз жекпе-жектен жүлдемен оралған қызметкерлерді марапаттап, жеңістерімен құттықтады, – деп хабарлайды Polisia.kz.
Тараз қаласында қоян-қолтық ұрыстан ересектер арасында Қазақстан Республикасының чемпионаты және Астана қаласында «UNIFIGHT» ережесіз жекпе-жектен жарыс өтті. Сыр елінің атынан Қызылорда облысы полиция департаментінің қызметкерлері қатысып, жүлделі оралды.
63 келі салмақ дәрежесінде 3-орынды Болат Айжан, 57 келі салмақ дәрежесінде сынға түскен Нұрмахан Ғайни 3-орынды қанжығасына байлады.
Департамент бастығының орынбасары О.Омаров ісіне мығым, қоғамдық өмірде де белсенді тәртіп сақшыларын құттықтап, жұмыстарына сәттілік тіледі.
