Алматы облысында жол және әкімшілік полиция қызметкерлеріне арналған семинар өтті, – деп хабарлайды Polisia.kz.
Облыстық полиция басшылығының бастамасымен жергілікті полиция қызметі мен әкімшілік полиция қызметкерлері арасында әдістемелік семинар өтті.
Тәртіп сақшыларына арналған оқыту шеберлік сабағын ҚР ІІМ Алматы академиясының әкімшілік-құқықтық пәндер кафедрасының профессоры өткізді.
– Семинарда көптеген аспектілер қарастырылды, соның ішінде жол-көлік оқиғасы деңгейіне әсер ететін факторларға талдау жасалды, жол апаттары жиі орын алатын әрбір учаскенің сипаттамалары қарастырылды, республика жолдарының ең қарқынды учаскелерінде көлік желісін түсіру жолдары қарастырылды, талқыланды, – деді Шәмшігүл Кобдықова.
Семинарға барлығы 40-қа жуық қызметкер, соның ішінде департаменттің басшылық құрамы, патрульдік полиция взводтарының командирлері мен жергілікті полиция қызметінің аймақтық бөлімшелерінің бастықтары қатысты.
– Апаттық факторларын зерттеу, сондай-ақ құқық бұзушылықтың алдын алу жұмысының жаңа әдістерін енгізу әкімшілік және жергілікті полиция қызметінің өзекті мәселелері болып табылады. Біз мұндай семинарларды тұрақты түрде өткізетін боламыз, – деп қосты Алматы облысы полиция департаменті бастығының орынбасары Елжан Чупеков.
