Қарағандыда “Алтын Батыр” күштік спорт түрлері бойынша ашық әлем кубогы өтті. ҚР ІІМ Ұлттық ұлан офицері күштік сайыста ел рекордын орнатты, – деп хабарлайды Polisia.kz.
Күштік сайысқа Үндістан, Греция, Украина, Өзбекстан, Қырғызстан, Ресей және Қазақстаннан 200-ден астам спортшы қатысты. Жарысқа “Strong man” командасының құрамында ҚР ІІМ Ұлттық ұланының 6506 әскери бөлімінің офицері Сұлтан Абдулмаликұлы қатысты.
Мықты қарсыластармен шиеленісті жекпе-жекте Сұлтан жоғары шеберлік, мызғымас ерік және нағыз спорттық шеберлікті көрсетті. 82,5 келіге дейінгі салмақ дәрежесіндегі жарыстың қорытындысы бойынша ол бірден спорттың екі түрінен бірінші орынды иеленді – “Халық басуы. Өз салмағымен штанганы басу” және “Әскери басу – өз салмағын бірнеше рет қайталау”.
Айта кету керек, “әскери басу – өз салмағын бірнеше рет қайталау” түрінде 28 қайталау нәтижесімен әскери қызметші Қазақстан рекордын орната алды.
– Біз әскери қызметшілерміз, дене шынықтыруды үнемі қолдап, спортпен шұғылдануымыз керек. Күнделікті жаттығулардың арқасында мен бүгін осындай нәтижеге қол жеткіздім, – деді Сұлтан.
Қазақстан Республикасы Ұлттық ұланының 6506 әскери бөлімі даңқты спорттық дәстүрлерге ие. Көптеген жыл бойы әскери бөлімнің әскери қызметшілері Қазақстан Республикасының чемпионаттарында және халықаралық деңгейдегі басқа да жарыстарда жоғары нәтиже көрсетеді.
