️Қызылордада полицейлер қарт анаға көмек көрсетті, – деп хабарлайды Polisia.kz.
Қызылордада тәртіп сақшылары қауырт қызметке қарамастан, азаматтарға қолдау көрсетуді жүйелі түрде ұйымдастырып келеді.
Мәселен, полицейлер 84 жастағы қарт ананың шаңырағына арнайы барып, тазалық жұмыстарына қолғабыс етті.
Өзі зейнет жасына жеткенше туған өлкесін түлетіп, елдің дамуына еңбек сіңірген ардагер көргені мен түйгенін кейінгі жастарға мирас етіп, ел бірлігін сақтауға атсалысып келеді. Бүгінде қарт ана ұрпақ үшін жасаған өз еңбегінің жемісін көріп жатыр.
Ардагерге көмекке келген полицейлер үйдің ауласын қардан тазалап, ретке келтірді. Қария олардың үлкендерге көрсетіп жатқан құрметі мен қолдауларына тәнті болып, риясыз ризашылығын білдірді. Қызметтеріне жеміс тілеп, ақ батасын берді.
