Қызылорда облысының ПД есірткі қылмысына қарсы іс-қимыл басқармасы оқушылар мен студенттер арасында «Біз есірткіге қарсымыз!» тақырыбында есірткіге қарсы қолөнер бұйымдарын әзірлеу байқауын ұйымдастырды, – деп хабарлайды Polisia.kz.
Байқау екі кезеңнен өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды. Қорытынды бойынша есірткі қылмысына қарсы іс-қимыл басқармасына сайыстың екінші кезеңіне қатысу үшін 68 үздік жұмыс жолданды.
Байқауға қатысушылар есірткіге қарсы қолөнер бұйымдарын әзірлеп, есірткінің зияндылығы жөнінде бейнеүндеу дайындады. Балалар нашақорлық туралы өз пікірлерімен бөлісті.
Авторлар идеяларын жүзеге асыру үшін әртүрлі материалдар мен әдістерді пайдаланды.
Комиссия шешіміне сәйкес 68 қатысушының ішінен ерекше көзге түскен 10 оқушы марапатталды, сондай-ақ 10 жұмыстың авторлары жеңімпаз атанды.
