Астанада тұрғындар жоғалған және ұрланған заттарды тауып, иелеріне қайтарған полиция қызметкерлеріне алғыс айтты, — деп хабарлайды Polisia.kz.
Елордалық департамент қызметкерлерінің жедел әрекетінің арқасында бірнеше азамат өздерінің жоғалған немесе ұрланған заттарын қайтарып алды. Полиция қызметкерлерінің кәсіби жұмысына ризашылығын білдірген тұрғындар оларға шынайы алғыс айтты.
Жақындақалада бірнеше оқиға тіркелді. Бір жағдайда жолаушы автобуста телефонын жоғалтып алып, полицияға жүгінді. Жедел-іздестіру бөлімінің қызметкерлері қысқа уақыт ішінде құрылғыны тауып, иесіне қайтарды. Басқа бір оқиғада, өзге қаладан келген азамат қоғамдық көлікте белгісіз біреудің сөмкесін алып кеткенін хабарлады. Полиция ұрланған сөмкені тауып, иесіне қайтарды.
Үшінші оқиғада, қала тұрғыны автобуста сөмкесін ұмытып кеткен. Кейін сөмкесін тапқанымен, ішіндегі ақшасының ұрланғанын байқаған. Сақшылар дереу іске кірісіп, тергеу жүргізді. Жедел әрекеттің нәтижесінде ақша ұрлағанкүдікті анықталып, жауапқа тартылды. Жәбірленуші полицияның қырағылығы мен кәсібилігіне ризашылығын білдірді.
