Полицей қыз Мәдина Жұмабаева Мәскеуде өткен қоян-қолтық жекпе-жектен әлем кубогында алтын медаль иеленді, - деп хабарлайды Polisia.kz.
Мәскеу қаласында өткен "Достық кубогы – 2025" халықаралық жарысында Павлодар қалалық полиция басқармасының ювеналды полиция инспекторы Мәдина Жұмабаева әйелдер арасындағы "«Өзін-өзі қорғау" номинациясында алтын медаль жеңіп алды.
Жарысқа Армения, Беларусь, Эстония, Грузия, Қазақстан, Қырғызстан, Моңғолия, Түрікменстан, Өзбекстан, Ресей және Венесуэладан келген 300-ге жуық спортшы қатысты. Бірнеше сағатқа созылған тартысты жекпе-жектерде төрешілер қатысушылардың техникалық шеберлігі мен тактикалық дайындығын бағалады.
Мәдина Жұмабаева жоғары жауынгерлік қасиеттерін, дене шынықтыру мен техникалық дайындықтың тамаша деңгейін көрсете отырып, жарыстың барлық кезеңдерінде үздік нәтиже көрсетті.
– Мен бұл жарысқа ұзақ уақыт дайындалдым, өйткені мені елеулі қарсыластар күтіп тұрғанын білдім. Бәсекелестік өте жоғары болды. Жеңіске жету үшін қарсыластың шабуылына мойынсұнып, оның әрекеттерін дұрыс бағытқа бағыттай білу қажет, – деді Мәдина Жұмабаева.
Мәдина 16 жасынан бастап спортпен айналысады. Бүгінде ол бокстан спорт шеберіне кандидат, қоян-қолтық ұрыспен айналысады және жарыстың барлық кезеңдерінде жүлделі орындарға ие болған. Ол өзінің бас бапкері ретінде Сергей Вальтерді атайды.
Мәдинаны шын жүректен құттықтап, оған алдағы уақытта да жоғары спорттық жетістіктер тілейміз. Спорттық шайқастарда шыңдалған полиция қызметкері өзіне жүктелген кез келген тапсырманы абыроймен орындайтынына сенімдіміз.
