Полиция азаматтарды аңшылық ережелерді сақтауға шақырады, — деп хабарлайды Polisia.kz.
30 тамыздан бастап Солтүстік Қазақстан облысында су құстары мен қаз-үйректерге арналған күзгі аңшылық маусымы ашылады. Ол 30 қарашаға дейін жалғасады. Аңшылық нысандарына гагара, қаз, қара қазқарға, үйрек және сулы құс – лысуха жатады.
Осы кезеңде СҚО полиция департаментінің жергілікті полиция қызметі басқармасының табиғат қорғау полициясы заңсыз аңшылық пен балық ресурстарын заңсыз аулау деректерін анықтау мақсатында мобильді топтар ұйымдастырады.
Полиция әрбір аңшы өзімен бірге мыналарды алып жүруге міндетті екенін еске салады: аңшылық билеті, қаруға рұқсат құжаты, жолдама қағазы, жеке куәлік.
Рұқсатсыз құжаттарсыз аң аулауға, сондай-ақ ау торларын, қақпан мен өзге де тыйым салынған әдістерді қолдануға болмайды. Мас күйінде аңшылық жасауға қатаң тыйым салынады.
ҚР Қылмыстық кодексінің 337-бабына сәйкес, заңсыз аңшылық үшін қылмыстық жауапкершілік көзделген. Оның санкциясы – 10 жылға дейін бас бостандығынан айыру және мүлікті тәркілеу. Биылғы жылдың басынан бері облыста заңсыз аңшылыққа қатысты 2 қылмыстық іс қозғалып, 555 хаттама толтырылды.
Полицейлер азаматтарды заңды, тәртіпті және қауіпсіздік ережелерін қатаң сақтауға шақырады. Бұл – қайғылы жағдайлардың алдын алуға және жауапкершілікке тартылудан сақтануға мүмкіндік береді.
