Алматыда полицейлер отбасыны қолдау, әйелдер мен балалардың құқықтарын қорғау мәселелерін талқылады, – деп хабарлайды Polisia.kz.
Алмалы ауданында "Бақытты отбасы – бақытты ел" республикалық акция аясында аудан әкімдігі жанындағы әйелдер істері және отбасылық-демографиялық саясат жөніндегі комиссияның дөңгелек үстелі өтті.
Іс-шараға комиссия мүшелері, дағдарыс орталықтарының, білім және денсаулық сақтау бөлімдерінің өкілдері, сондай-ақ мүдделі ұйымдар қатысты. Қатысушылар тұрмыстық зорлық-зомбылықтың алдын алу, қиын жағдайда жүрген әйелдер мен балаларды қолдау, отбасы институтын нығайту және әйелдер мен балалардың құқықтарын қорғау бағытында ведомствоаралық өзара іс-қимылды жолға қою мәселелерін көтерді.
- Қауіпсіз әрі тұрақты отбасылық ортаны қалыптастыру – басты міндеттердің бірі. Мықты отбасы – мықты қоғамның негізі, – деді Алмалы аудандық полиция басқармасында.
Кездесу қорытындысы бойынша қатысушылар бірлескен күш-жігердің маңыздылығын атап өтіп, отбасылардың әл-ауқаты мен құндылықтарды нығайту жолында ынтымақтастықты жалғастыруға дайын екендіктерін білдірді.
