ҚР ІІМ Ұлттық ұланының бастамасымен М.Горький атындағы Мемлекеттік академиялық орыс драма театрында батыр қыздың 100 жылдығына арналған "Әлия" драмасының тұсауы кесілді, – деп хабарлайды Polisia.kz.
М.Горький атындағы Мемлекеттік академиялық орыс драма театрында Кеңес Одағының Батыры Әлия Молдағұлованың 100 жылдығына арналған "Әлия" драмасының премьерасы өтті.
Қойылым театр актерлары мен Қазақстан Республикасы ІІМ Ұлттық ұланының әскери қызметкерлерін бір сахнада біріктіріп, өнер мен әскери қызметтің шығармашылық ынтымақтастығының жарқын үлгісіне айналды.
"Әлия" спектаклінің алғашқы көрсетілімі 6 наурызда өткен. Алғашқы көрсетілімде көрермендер ыстық ықыласпен тік тұрып қол шапалақтап, көпшілігі көз жасын жасырмады.
Ұлттық ұланның Ерлер хоры мен оркестрі сахнаны ерлік пен патриотизмнің жанды энергиясымен толтырып, спектакльдің ерекше атмосферасын жеткізді. Музыкалық сүйемелдеу шығарманың драмасы мен эмоционалды тереңдігіне баса назар аударып, көрермендерге аңызға айналған кейіпкердің ерлігін сезінуге мүмкіндік берді.
"Әлия" драмасы жай ғана театрландырылған туынды емес, сөз, музыка және сахналық шеберлікті тоғыстыру арқылы Қазақстан тарихына өз есімін мәңгілікке жаза білген жас қыздың ерлігі мен жанқиярлығын баяндайтын ұрпақтардың шынайы диалогына айналды.
