Абай облысында полицейлер жол-құрылыс қызметтерінің қысқа дайындық деңгейін тексерді, – деп хабарлайды Polisia.kz.
Абай облысы полиция департаментінің әкімшілік полиция басқармасы қызметкерлері жол-құрылыс қызметтерінің күзгі кешенді тексеруін өткізді. Тексерістің негізгі мақсаты автомобиль жолдарының қысқы кезеңге дайындығын бағалау.
Тексеру барысында қар тазалау техникасының техникалық жағдайына, мұз еріткіш материалдар бар-жоғына және жол-коммуналдық кәсіпорындардың қар және мұзбен жабылған жолдарда көліктің қауіпсіз және үздіксіз қозғалысын қамтамасыз етуге дайындық деңгейін қадағалады.
Нәтижесінде қызмет көрсетуші ұйымдармен бірге қар жауып қар жауып кетуге ең бейім жол учаскелеріндегі мәселелерді жою бойынша қосымша шаралар әзірленді. Сонымен қатар жол қызметтері мен полиция бөлімшелері арасындағы жедел өзара әрекеттестік мәселелері талқыланды. Бұл жол-көлік оқиғасы туралы ақпаратты уақытылы хабардар болуға және кептелістерді алдын алуға мүмкіндік береді.
Қабылданған кешенді шаралар жол қозғалысының қауіпсіздігін арттыруға және қысқы кезеңдегі жол-көлік оқиғаларының санын азайтуға бағытталған.
Полиция жүргізушілерге көлікті қысқы кезеңге алдын ала дайындауды, техникалық жағдайын тексеруді және жазғы дөңгелектерді міндетті түрде қысқы дөңгелектерге ауыстыру керек екенін еске салады. Жылдамдық көрсеткішін сақтап, арақашықтықты ұстаныңыз және тайғақ жолда сақ болыңыз.
