Қызылорда облысы аумағында "Мал ұрысы" жедел-профилактикалық іс-шарасы өтіп жатыр, – деп хабарлайды Polisia.kz.
Іс-шараның мақсаты – халық арасында мал ұрлығының алдын алу, профилактикалық жұмыстар жүргізу, сондай-ақ бұрын тіркелген мал ұрлықтары бойынша қылмыстарды ашу.
Полиция қызметкерлері жергілікті атқарушы органдармен бірлесіп, облыс көлемінде мал тасымалдайтын автокөліктерді, сондай-ақ мал және ет сату орындарының заң талаптарына сәйкестігін тексеруде.
Іс-шараның бір күнінде мал ұрлығының 3 дерегі ашылды, оның бірі – өткен жылы тіркелген қылмыс.
Сонымен қатар ауыл шаруашылығы жануарларын заңсыз тасымалдаудың 2 дерегі, үй жануарларын белгіленбеген жерлерде жаюдың 9 дерегі анықталды.
Мысалы, Қазалы аудандық полиция бөліміне аудан тұрғыны хабарласып, жайылымнан сиырының жоғалғанын айтқан. Жедел іздестіру шаралары нәтижесінде осы іске қатысы бар күдікті ұсталып, тергеу жүріп жатыр.
