Абай облысында заңсыз аң аулау фактісі анықталды, – деп хабарлайды Polisia.kz.
Абай облысының Көкпекті ауданында 28 жастағы азамат рұқсат қағазы болмастан қасқырды атқан. Жануарлар дүниесін пайдалану талаптары мен аң аулау қағидаларын бұзды. Бұл әрекет Қазақстан Республикасының заңдарына қайшы болып, экологияны қорғауға арналған нормаларды бұзу болып саналады.
Құқық қорғау органдары дереу шара қолданды. Азамат Қазақстан Республикасының заңнамасына сәйкес, рұқсатсыз аң аулағаны жауапқа тартылды.
Сонымен қатар құқық бұзушымен профилактикалық жұмыстар жүргізіліп, табиғатты қорғау ережелерін сақтау бойынша түсіндіру жұмыстары өткізілді.
Полиция өкілдері қасқыр сияқты жыртқыштардың табиғи қоректік тізбектің маңызды бөлігі екенін ескертеді. Әрбір аң-құстың өмірі – табиғаттағы тепе-теңдікті сақтау үшін маңызды. Сондықтан рұқсатсыз аң аулау тек заңға қарсы әрекет қана емес, сонымен бірге экологияға да зиян келтіреді.
Құқық қорғау органдары тұрғындарды заң талаптарын сақтауға, жануарлар дүниесін қорғауға және рұқсатсыз аң аулаудан бас тартуға шақырады.
