ШҚО-да есірткіге қарсы профилактикалық іс-шара өтті, – деп хабарлайды Polisia.kz.
Өскемен қаласында есірткі құралдарының заңсыз айналымының алдын алуға бағытталған алдын алу іс-шарасы ұйымдастырылды. Акцияға Шығыс Қазақстан облысы полиция департаментінің қызметкерлері, "AMANAT" партиясы жанындағы "Жастар Рухы" жастар қанатының өкілдері және қоғам белсенділері қатысты.
Іс-шара барысында қаланың қауіп деңгейі жоғары аумақтарында есірткі заттарын заңсыз өткізуге қатысты жазбалар анықталып, жойылды. Сонымен қатар қатысушылар қала тұрғындары мен жастар арасында түсіндіру жұмыстарын жүргізіп, мұндай жазбаларды орналастыру мен таратуға қатысудың құқықтық салдарына ерекше назар аударды.
Азаматтарға белсенді азаматтық ұстанымның маңыздылығы, есірткіге қатысты заңсыз белгілер мен күмәнді әрекеттер туралы уақтылы хабарлау қажеттігі түсіндірілді. Әрбір жойылған жазба азаматтардың заңсыз әрекеттерге тартылу қаупін төмендететіні атап өтілді.
Полиция есірткі заттарын насихаттайтын немесе заңсыз өткізуге бағытталған белгілерді орналастыру және тарату қылмыстық жауапкершілікке әкеп соғатыны туралы ескертеді және мұндай деректер туралы "102" нөміріне хабарлауларыңызды сұраймыз.
