Павлодар облысында "Браконьер" жедел-профилактикалық іс-шарасы аясында рейдтік жұмыстар жүргізілуде, - деп хабарлайды Polisia.kz.
Іс-шараның негізгі мақсаты – заңсыз аң аулау және балық аулау фактілерінің алдын алу және жолын кесу, сондай-ақ азаматтық қару айналымы саласындағы құқық бұзушылықтарды анықтау.
Полиция қызметкерлері азаматтармен профилактикалық түсіндіру әңгімелерін жүргізіп, аңшылық және балық аулау қағидаларына қатысты қолданыстағы заңнама талаптарын, сондай-ақ оларды бұзғаны үшін көзделген жауапкершілікті түсіндіруде.
Аңшылық қаруын сақтау, алып жүру және пайдалану талаптарын сақтау мәселелеріне, сондай-ақ жануарлар дүниесі объектілерін қорғау мен қоршаған ортаны сақтау шараларына ерекше назар аударылуда.
Аталған іс-шаралар азаматтардың құқықтық санасын қалыптастыруға және табиғатқа ұқыпты қарауын арттыруға бағытталған.
