Ренат Сәрсенов Павлодар қаласының Солтүстік полиция бөлімінде 2002 жылдан бері қызмет етіп келеді. 22 жыл ішінде ол өз учаскесінің тұрғындары үшін жай ғана билік өкілі емес, кеңес пен көмек сұрап келетін сенімді адамға айналды, – деп хабарлайды Polisia.kz.
Полицейдің күні жедел мәліметтерді талдаудан басталады. Түнде не болғанын, қандай шағымдар түскенін, қай жерде жедел араласу қажет екенін білу маңызды. "Кез келген жағдайға дайын болу" — бұл жай ұран емес, учаскелік инспектордың өмір салты.
Келесі кезекте — учаскені аралау. Бұл жұмыстың ең маңызды бөлігі. Ренат есепте тұрған отбасыларды аралап, балалардың тұрмыс жағдайын тексереді, жасөспірімдермен әңгімелеседі.
Сәрсеновтің қабылдауына азаматтар түрлі мәселелермен келеді: велосипед ұрлығынан бастап, ұзаққа созылған отбасылық жанжалдарға дейін. Мұнда полиция қызметкері әрі заңгер, әрі психолог рөлін атқарады. Әрбір жағдай мұқияттылық пен кәсібилікті талап етеді, өйткені адамдар оған ең құпия мәселелерін сеніп тапсырады.
Түстен кейін — әріптестерімен бірлескен рейдтер. Тұрғын үйлердегі тыныштықты бақылау, құжаттарды тексеру, түсіндіру жұмыстарын жүргізу. Ресми түрде жұмыс күні кешке аяқталғанымен, шын мәнінде шақыру кез келген уақытта түсуі мүмкін. Құжаттарды рәсімдеу, есептер мен талдау — заңның нақты жұмыс істеуі үшін қажет.
Сәрсеновтің бір күні — үздіксіз қозғалыс. Кәсібилік, темірдей төзім және адамгершілік — міне, қаламыздың көшелеріндегі қауіпсіздік осылай қалыптасады.
