Павлодар облысында әлеуметтік желілерге жүргізілген мониторинг барысында полиция қызметкерлері Audi A4 көлігінің жүргізушісі Катаев көшесімен қозғалу кезінде маневрдің қауіпсіздігіне көз жеткізбей, жол-көлік оқиғасының туындау қаупін тудырған бейнежазбаны анықтады, - деп хабарлайды Polisia.kz.
Аталған факті бойынша жүргізуші әкімшілік жауапкершілікке тартылды.
– Жыл басынан бері маневр жасау қағидаларын бұзғаны үшін 727 жүргізуші әкімшілік жауапкершілікке тартылды, – дейді Павлодар облысының полиция департаменті.
Полиция жүргізушілерді жылдамдық режимі мен қауіпсіз арақашықтықты сақтауға, кенеттен басып озу, жолақ ауыстыру және жол-көлік оқиғасына әкелуі мүмкін басқа да қауіпті маневрлерден аулақ болуға шақырады.
