«Ыстық кәуап пісіріп жатқан» бейнені түсіргені үшін 22 жастағы алматылық қамауға алынды, – деп хабарлайды Polisia.kz.
Ғаламтор кеңістігін бақылау кезінде шығыс айналма жолда түсірілген бейне пайда болды, онда жол бойында от жағып жатқандығы түсірілді.
«Бейнебаян авторы ер адамдардың кәуап пісіріп жатқандарын баяндайды. Рас, «102» -ге қоңырау шалып, сигнал бермеді. Енді не үшін екені белгілі болды. Тексеру жұмыстары барысында, бейнетаспаның қойылым болғандығы, құқық бұзушылықты камерада түсірген оператор, отты жаққан адамдардың досы екенін және түсірілімнің өзі алдау үшін жасалғандығы белгілі болды. Ұйымдастырушы – 1997 жылы туған Б. есімді тұрғын. Ол кәуап пісіруге еліктеген және жасаған әрекетін бірден мойындады. Қазір, ол үш құқық бұзушылық үшін әкімшілік жауапкершілікке тартылды: ұсақ бұзақылық, төтенше жағдай ережелерін бұзу және көлік құралын белгісіз жерде тоқтату.
Өндіріс материалдары сотқа жолданды. Оның шешімімен Б.есімді ер адам 15 тәулік мерзімге әкімшілік қамауға алынды. Карантинге байланысты сот отырысы онлайн режимде өтті», – деді Алматы қалалық Полиция департаменті басшысының бірінші орынбасары Нұрлан Алмасбеков.
Құқықбұзушы көпшілік алдында кешірім сұрады.
«Мен бүкіл Қазақстанға және Алматы тұрғындарына өзімнің жасаған істеріме өкінгенімді хабарлаймын. Болашақ үшін менің жігіттерге айтарым, осындай қиын уақытта әзілдесудің қажеті жоқ. Мен Қазақстанның алдында шын жүректен, кешірім сұраймын», – деді Б.
