Ішкі істер министрі есірткіге қарсы күрес жұмыстарын өз бақылауына алды, – деп хабарлайды Polisia.kz.
2020 жылдың бес айында есірткіге қатысты мыңнан астам қылмыс тіркелді. Айналымнан 1,4 тонна есірткі тәркіленді. ІІМ елге жеткен героин көлемінің төмендеуімен қатар синтетикалық есірткінің таратылатынына да назар аударып отыр. Жыл басынан бері осындай 261 қылмыс тіркеліп, 26 кг синтетикалық психотроптық заттар тәркіленді. Үш нарколаборатория қызметінің жолы кесілді. Синтетикалық есірткіні сатумен және жарнамалаумен айналысатын 500 заңсыз интернет-ресурс анықталды.
