Ақтөбе облысында дәстүрлі түрде жыл сайын «Мектепке жол» республикалық қайырымдылық акциясы өтуде, – деп хабарлайды Polisia.kz.
Бұл акция әлеуметтік жағдайы төмен балаларға көмек көрсетуге бағытталған. Жыл сайын Қарғалы аудандық полиция бөлімінің ұжымы да бұл акцияға қатысады.
Биыл аз қамтылған отбасынан шыққан төрт балаға интернетке үздіксіз қол жеткізу үшін сим-карталармен жабдықталған интернет-флэшка түрінде материалдық көмек көрсетілді.
Айта кету керек, бұл көмекті мұқтаж отбасыларға Қарғалы аудандық полиция бөлімі тұрақты негізде көрсетеді.
