Криминалдық полиция қызметкерлері 19 жыл іздестіріліп жатқан қылмыскерді ұстады, – деп хабарлайды Polisia.kz.
Жедел-іздестіру шараларын жүргізу барысында Түрікменстанның құқық қорғау органдары іздестіріп жатқан қылмыскер ұсталды. 46 жастағы ұсталған азамат 2001 жылдың қаңтарында өзінің таныстарымен алдын ала сөз байласып, өз Отанында қарақшылық шабуыл жасап, қасақана кісі өлтірген. Оның екі сыбайласы қылмыс жасағаннан кейін ұсталып, әртүрлі мерзімге сотталды, ал ол Қазақстанның өңірлерінде жасырынып жүрген.
Қазіргі уақытта Түрікменстан азаматы УҰИ-ға қамалып, кейіннен көрші елдің әріптестеріне берілетін болады.
