Биыл Ақтөбе полицейлері төрт мыңға жуық қорғау нұсқамасын шығарды, – деп хабарлайды Polisia.kz.
Жыл сайын Ақтөбе облысы бойынша орта есеппен 80 әйел отбасылық жанжалдан зардап шегеді және қорғауды қажет етеді. Бұл тек статистика бойынша, ал іс жүзінде өкінішке орай әртүрлі себептерге байланысты жүгінбегендердің саны әлдеқайда көп.
Биыл Ақтөбе полицейлері төрт мыңға жуық қорғау нұсқамасын шығарды. Алайда, барлық жанжалқойлар қорғау нұсқамасының талаптарын орындамайды және олардың 138-і нұсқаманы бұзғаны үшін бес тәулікке қамауға алынды.
Сонымен қатар, 1088 құқық бұзушы сот арқылы мінез-құлыққа ерекше талап қойды, оның ішінде 877-не алкогольдік ішімдіктерді пайдалануға тыйым салынды.
Қорғау нұсқамаларынан басқа, отбасы-тұрмыстық қатынастар саласындағы құқыққа қайшы әрекеттері үшін 1706 отбасылық жанжал (отбасы мүшелерінің ар-намысы мен қадір-қасиетін қорлайтын ұятсыздық, қорлау және басқа да әрекеттер үшін) әкімшілік жауапкершілікке тартылды.
– Сіз құқық бұзушыға шара қолдану үшін полиция қызметкерлерінен тұрмыстық зорлық-зомбылық жасалған жерге баруды талап етуге құқылысыз. Біздің қоғамдағы тұрмыстық зорлық-зомбылыққа қарсы күрес – қылмысқа қарсы күрес сияқты маңызды мәселе. Өкінішке орай, жәбірленушінің жынысына немесе жасына қарамастан, отбасы мүшелеріне зорлық-зомбылық жасаудың көптеген фактілері орын алуда. Сонымен қатар, адамдар үйдегі зорлық-зомбылық туралы хабарлау дұрыс емес деп санайды. Көптеген қоңыраулар зардап шеккен адамның полицияға арыз жазудан бас тартуымен аяқталады – зәбірлеушіні кешіреді немесе одан әрі әрекет етудің қажеті жоқ деп санайды, – деп атап өтті департамент бастығы Атығай Арыстанов.
Егер сіз тұрмыстық зорлық-зомбылықтан зардап шегетін адамды білсеңіз, бұл адамды мамандардың көмегіне жүгінуге көндіріңіз немесе 729-713, «102» телефонына дереу қоңырау шалыңыз.
Тек бірлесіп қана қиындықтың алдын аламыз.
