Маңғыстау облысы бойынша ҚАЖД қарасты ГМ-172/8 мекемесінде жазасын өтеп жатқан сотталғандар Наурыз мерекесіне арналған іс-шараға қатысты, – деп хабарлайды Polisia.kz.
Іс-шара барысында мерекелік концерт көрсетіліп, сотталғандар арасында қазақтың ұлттық ойындары өткізілді.
Түзеу мекемесінде жазасын өтеп жатқан сотталғандар арасында Наурыз мейрамын атап өтудің мақсаты – сотталғандарды қоғамға бейімдеу, олардың ұлттық құндылықтарды қастерлеу қабілетін шыңдау, өз ұлтына деген сүйіспеншілігін арттыру болып табылады.
Концерттік іс-шарадан кейін сотталғандар киіз үйде наурыз көжеден дәм татты.
-Сотталғандар тек жазасын өтеп қана қоймай, қайтадан тәлім-тәрбие алуы тиіс. Бұл-біздің жұмысымыздың маңызды бағыты. Жазасын өтеп жатқандардың арасында небір өнерлі азаматтар бар, олардың өнерін көпшілікке ұсыну арқылы сотталғандардың өмірге деген құштарлығын оятуды көздедік, – деді мекеме қызметкері Ербол Сарсенбаев.
