Шымкенттік полицейлер көліктің ішінен ақша мен телефон ұрлаған екеуді ұстады, – деп хабарлайды Polisia.kz.
2021 жылдың 12 шілдесінде Шымкент қаласы Полиция департаменті Әл-фараби ауданы Полиция басқармасына жергілікті тұрғын арызданған. Ол өз арызында Шымкент қаласының жанармай бекетінің маңында көлікте бірге отырған екі белісіз ер адамдар көліктің ішіндегі 250 000 теңге ақшасын және «ОРРО А 5С» маркалы ұялы телефонын ұрлап кеткенін көрсеткен.
Әл-фараби АПБ №28 Криминалды полиция қызметкерлері жедел-іздестіру іс-шаралары барысында күдіктілердің ізіне түсіп, жедел басқару орталығының бейнекамерасы арқылы көп ұзамай қолға түсірді. Ұсталған ер адамдардың бұрын Шымкент қаласы аумағында жасалған осыған ұқсас қылмыстарға қатысы бар-жоғы тексерілуде.
