Алматыда ЖКО жасаған Mercedes жүргізушісі екі жыл алты ай мерзімге бас бостандығынан айырылды, – деп хабарлайды Polisia.kz.
Анықтау басқармасының хабарлауынша, бұл факті 2020 жылы 12 қарашада түнде Рысқұлов даңғылының бойымен, шығысқа қарай, Шәріпова мен Саин көшелерінің аралығында болған.
– Куәгерлердің айтуынша, даңғыл бойымен екі шетелдік көлік өзара жарыс ұйымдастырған. Mercedes E-class автокөлігінің жүргізушісі Шәріпова көшесінен өтіп бара жатып кенеттен көлікті басқара алмай қалды, оның көлігі жолда айналды, содан кейін ол бөлінген көгалға ұшып кетті, сол жерде темір қоршаудың он шақты бөлігін бұзып, кері жолға қарай шықты. Жол-көлік оқиғасы салдарынан Mercedes көлігінің алдыңғы орындығында отырған жолаушы сол жерде қайтыс болды: оны тіпті салонға орналастырылған қауіпсіздік жастықтары да құтқара алмады. Шотаевтың іс әрекеті ҚР ҚК-нің 345-бабы 3-бөлімі және 347-бабы бойынша біліктілікке ие. Тергеу аяқталды. Қылмыстық істің материалдары сотқа өткізілді, – деп хабарлады Алматы қаласы Полиция департаменті бастығының орынбасары Рүстем Әбдрахманов.
Сот шешімімен М. А. Шотаев көрсетілген қылмыстық құқық бұзушылықты жасағаны үшін кінәлі деп танылды. Ол 5 жыл мерзімге көлік құралын басқару құқығынан айырылды. Сонымен қатар екі жыл алты ай мерзімге бас бостандығынан айыру түрінде жаза тағайындалды.
