Елорда тұрғыны Ақмола облысына қонаққа келіп, ұялы телефонсыз қалды, – деп хабарлайды Polisia.kz.
Ақмола учаскелік полиция инспекторлары жеке тергеу барысында ұрлық жасауда күдіктіні анықтады. Ағымдағы жылдың 23 тамызында 43 жастағы астана тұрғыны Красный Яр ауылында ұялы телефонның жоғалғанын байқап, учаскелік инспекторлардан көмек сұрады.
“Samsung” маркалы мобильді құрылғы өтініш берушінің айғақтары бойынша таныстарына қонаққа барғаннан кейін жоғалып кеткен. Шығын сомасы 70 мың теңгені құрады.
Аталған факт ҚР ҚК 188-бабының 1-бөлігі (Ұрлық) бойынша сотқа дейінгі тергеудің бірыңғай тізіліміне енгізілді.
Қылмыс жасауға қатысы бар адамдарды анықтау үшін учаскелік полиция инспекторлары Жеңіс Аққошқаров пен Асқар Аллабергенов ұрлық жасаған күні жәбірленушімен бір үйде болған барлық қонақтардан жауап алды.
Қабылданған шаралардың нәтижесінде Көкшетау қаласы ПБ ЖПҚТ учаскелік инспекторлары күдіктіні анықтады, ол Красный Яр ауылының 36 жастағы тұрғыны болып шықты.
Қаскүнем айғақ бергеннен кейін ұялы құрылғыны бұрын ұрланған бөлмеге абайлап қайтаруды шешкен, алайда оны сол кезде полиция тоқтатты, ұрланған телефон күдіктіден табылды.
Қазіргі уақытта қолданыстағы заңнамаға сәйкес шаралар қабылдай отырып, әйелдің іс-әрекетіне құқықтық баға берілетін болады.
