Көкшетауда учаскелік инспектор супермаркетте жасалған ұрлықты ашты, – деп хабарлайды Polisia.kz.
30 қыркүйекте Көкшетау қаласының Полиция басқармасына қаладағы супермаркеттердің бірінің әкімшісінің арызы келіп түсті, ағымдағы жылдың 28 қыркүйегінде шамамен сағат 16:00-де белгісіз адам сөреден «Chivas» вискиінің бір бөтелкесін ұрлаған. Шығын сомасы 13,5 мың теңгені құрады.
Дүкеннің бейнебақылау камераларының және Көкшетау қаласының ПБ ЖБО камераларының жазбаларын зерделеп, учаскелік инспектор Бауыржан Тасмағамбетов күдіктінің жеке басын анықтады. Ол ұрлық жасағаны үшін бірнеше рет сотталған 35 жастағы облыс орталығының тұрғыны болып шықты. Сол күні қаскүнем оны ешкім байқамайтынына көз жеткізіп, жоғарғы сөреден қымбат виски алып, бөтелкені қойнына жасырып, дүкеннен шығып кеткен.
Аталған факті бойынша ҚР ҚК 188-бабы 1-бөлігі (Ұрлық) бойынша сотқа дейінгі тергеу жүргізілуде. “Келу міндеттемесі” процессуалдық мәжбүрлеу шарасы таңдалды.
