26 жастағы алаяқ қыз ақмолалықтарды алдап кетті, – деп хабарлайды Polisia.kz.
9 қарашада Көкшетау қаласы Полиция басқармасының кезекші бөліміне облыс орталығы мен Красный Яр ауылының тұрғындарынан өтініштер келіп түсті. Әйелдер 2 қыркүйекте оларға таныс емес қыз шаштараздыққа оқыту курсын ұсынған.
Жәбірленушілердің айғақтары бойынша, қаскүнем алдап, әрбір өтініш берушіден алдын ала төлем түрінде 30 мың теңге алған.
Жедел-іздестіру шаралары барысында полиция қызметкерлері Щучинск қаласының 26 жастағы тұрғынын анықтады. ҚК-нің 190-бабы (Алаяқтық) бойынша тергеу жүргізілуде.
