Алаяққа сенген Ақмола облысының тұрғыны банкке 4 млн теңге қарыз болып қалды, – деп хабарлайды Polisia.kz.
19 шілдеде Астрахан ауданының полиция бөліміне жергілікті тұрғыннан алаяқтық фактісі туралы арыз келіп түсті. Әйел белгісіз тұлғалардың өзіне тиесілі 4 млн теңгесін иемденіп алғанын хабарлады.
Жәбірленушінің айтуынша, 11 шілдеде оның телефонына белгісіз ер адам қоңырау шалып, өзін “ҚР банктерінің Ұлттық қауіпсіздік қызметінің қызметкері” ретінде таныстыра отырып, әйелге оның сауалнамалық деректерін айтып, алаяқтар оның атына ҚР банктерінің бірінде несие рәсімдегеніне сендірген. Қаскүнем бұл несиені жою үшін банктің жеке кабинетінде оның басшылығымен белгілі бір әрекеттерді жүргізу қажет деп түсіндірді. Зейнеткердің мобильді құрылғысы ескі үлгіде болғандықтан, алаяқ өзінің туыстарының біреуінің телефонына қашықтан қол жеткізу қосымшасын жүктеуді талап етті.
Зейнеткер қызының телефонын пайдаланған, содан кейін қылмыскер WhatsApp мессенджерінің бейне байланысы арқылы бүкіл процесті басқарды. Кейін қаскүнемнің басшылығымен оның нөмірінен бірнеше банктен несие алудың жабылуы (бас тартуы) құттықтауымен бірнеше фотосуреттер жіберілді, бұл хабарламалар банктердің өздерінен де келген. Бірақ олардың біреуінен несиені мақұлдау туралы хабарлама түсті. Ұлттық банк хабарламасында әйелге оның атына несие ресімделгені және оларды белгіленбеген шотқа аударғаны туралы ескертілді.
Осы фактіге қатысты полиция бөлімімен ҚР ҚК-нің 190-бабының 2-бөлігі (Алаяқтық) бойынша сотқа дейінгі тергеу амалдары басталды. Осы қылмыстық құқық бұзушылықты жасаған адамдарды анықтауға бағытталған барлық қажетті іс-шаралар жүргізіліп жатыр.
