Алматы полициясы “Зорлық-зомбылықсыз 16 күн” науқаны аясында “Ана үйіне” барып қайтты, – деп хабарлайды Polisia.kz.
Республикалық науқан аясында Алматы полициясының қызметкерлері мен қоғам қайраткерлері “Ана үйіне” барып қайтты. Іс-шараны ұйымдастырушылардың айтуынша, бұл үй бекерден бекер таңдалған жоқ. Мұнда бір жарым жасқа дейінгі балалары бар 30 жас ана тұрады. Оларға қонақтар қажетті сыйлықтарды алып келді: нәресте тамағы, жаялық, жаңа туған нәрестелерге арналған киім-кешек.
Сонымен қатар дағдарыс орталықтарының өкілдері мен тәртіп сақшылары әйелдермен тұрмыстық зорлық-зомбылықпен күресу шаралары мен шарттары, сондай-ақ ана болу бақыты туралы әңгімелесті.
Шаһарда “Ана үйінің” үш филиалы бар. Онда өмірлік жағдайға байланысты балаларын тастап кете жаздаған жас аналарға көмек көрсетіледі.
