Алматы полициясы қызметтік модельді жүзеге асыру бойынша пилоттың қалай жүзеге асырылып жатқанын көрсетті
Алматы полициясы қызметтік модельді жүзеге асыру бойынша пилоттың қалай жүзеге асырылып жатқанын көрсетті, – деп хабарлайды Polisia.kz.
Қазақстан Республикасы Президентінің 2021 жылғы 1 қыркүйектегі «Халық бірлігі мен жүйелі реформалар – ел өркендеуінің берік іргетасы» атты жыл сайынғы Жолдауында Қасым-Жомарт Тоқаев бірқатар өңірлерде полиция қызметінің үлгісі пилоттық режимде іске қосылғанын атап өтті. Келесі қадам – оны ұлғайту. Бұл жұмыстың табысты болуы көбінесе жаңашылдықтардың мәнін түсініп, полицияға көмек көрсетуі тиіс жергілікті атқарушы органдардың араласуына байланысты.
– Бүгінде қаланың Алатау ауданында Алматыда полиция қызметінің модельін енгізу бойынша пилоттық жоба жүзеге асырылуда. Пилоттық жобаны жүзеге асыру үшін қалада бір аудан белгіленді, бұл Алматы облысымен шектесетін Алатау ауданы, негізінен жеке сектордың үйлері көп. Қазірдің өзінде ведомствоаралық топ жұмыс істеп жатыр, ол ақпарат жинап, талдау жүргізіп жатыр. Бұл, ең алдымен, қылмыстық зардаптарды туындататын мәселені шешудің кешенді тәсілі. Қызметтік модель мәселені кешенді шешуді қамтамасыз етеді. Мысалы, талдауға сәйкес жыл бойы бір кварталда көше қылмыстары жиі орын алады, бұл – бұзақылық, тонау. Осы кварталды зерттеу аумақтың жарықтанбағанын, көріктендірілмегенін, қараусыз қалған ғимараттардың бар екенін көрсетті. Бұл саланы жетілдіріп, нақтылауы керек жергілікті атқарушы органдардың барлық қызметтері қосылды, – деді Алматы қалалық ПД бастығының бірінші орынбасары Нұрлан Алмасбеков.
Баяндамашы сонымен қатар, қазіргі таңда қаланың Алатау, Әуезов, Жетісу, Наурызбай және Түрксіб аудандарындағы жаңа тұрғын үй кешендерінің бірінші қабаттарынан учаскелік полиция пункттері үшін тоғыз үй-жай сатып алынып жатқанын айтты. Сондай-ақ, қолданыстағы 41 модульдік полиция бекетіне қосымша жеті бекет орнатылады.
