Көкшетаулық полицейлер дүкеннен киім-кешек ұрлаған ер адамды ізін суытпай ұстады, - деп хабарлайды Polisia.kz.
2021 жылғы 16 ақпанда Көкшетау қаласының ПБ кезекші бөліміне 32 жастағы жергілікті тұрғыннан белгісіз біреудің 15 ақпанда "Планета" дүкенінен еркін қол жеткізу жолымен "G-Shock" маркалы екі қол сағатын, ерлер күртешесін, әйелдер аяқ киімін және 20 жұп шұлық ұрлағаны туралы арыз келіп түсті. Залалдың жалпы сомасы шамамен 20 мың теңгені құрады.
Өткізілген жедел-іздестіру іс-шараларының нәтижесінде полиция қызметкерлері осы қылмысты жасаған 25 жастағы жігітті анықтады. Ол қылмысын мойындады. Барлық заттай айғақтар алынып, дүкен иесіне қайтарылды.
Тәртіп сақшылары ер адамға қатысты ҚР ҚК-нің 188-бабымен (Ұрлық) сотқа дейінгі тергеу амалдарын бастады.
