Ақмола тұрғыны есірткі сатқаны үшін 7 жылға түрмеге жабылды, – деп хабарлайды Polisia.kz.
Ақмола облысы Атбасар ауданының 54 жастағы тумасы 53 грамм гашиш сатқаны үшін ҚАЖ-да орта дәрежелі жазасын өтеумен 7 жыл бас бостандығынан айырылды.
2021 жылдың шілдесінде ақмолалық полицейлер елорда маңындағы аудандардың аумағында жүйелі өткізу фактілері туралы ақпарат алды. Жедел-іздестіру шаралары барысында Нұр-Сұлтан қаласының тұрғыны С.есімді азамат тұрғылықты жері бойынша гашишті өткізу кезінде анықталып, ұсталды.
Сот отырысында сотталушы өзінің кінәсін ішінара мойындап, есірткіні өзі қолданатынын, бірақ оны өткізумен айналыспағанын түсіндірді.
Алайда ақмолалық полицейлер айыпталушының қылмыстық әрекеттерінің толық дәлелдемелік базасын ұсынды.
Нәтижесінде, Нұр-Сұлтан қаласы Алматы ауданының №2 аудандық соты ер адамды ҚК-нің 297-бабының 2-бөлігінде (Ірі мөлшерде есірткі заттарын заңсыз өткізу) көзделген қылмысты жасағаны үшін кінәлі деп танып, оған орташа қауіпсіз қылмыстық-атқару жүйесі мекемесінде жазасын өтей отырып, 7 жыл бас бостандығынан айыру түріндегі жаза тағайындады.
Үкім заңды күшіне енді.
