Ақмолада «Түнгі қаладағы балалар» жедел алдын алу іс-шарасы басталды, – деп хабарлайды Polisia.kz.
Ақмола облысында жыл басынан бері балаларды тәрбиелеу бойынша міндеттерді орындамайтын 200 ата-анаға қатысты әкімшілік хаттама жасалды.
Полиция қызметкерлері «Түнгі қаладағы балалар» жедел алдын алу іс-шарасы барысында балалардың құқықтарын бұзу, балалар еңбегін пайдалану, балалардың қадағалаусыз және панасыз қалу фактілерін анықтау жұмыстарын жалғастыруда.
Республикалық жедел-профилактикалық іс-шара өңір аумағында ағымдағы жылдың 17-маусымынан басталып, 20 маусымына дейін жалғасады.
Іс-шара барысында алкогольді ішімдіктерді пайдаланатын, заңды өкілдерінің еріп жүруінсіз түнгі уақытта тұрғын үй-жайлардан тыс жерде тұратын, тыныштықты бұзатын, ұсақ бұзақылық жасайтын кәмелетке толмағандарды, сондай-ақ кәмелетке толмағандарды қоғамға жат іс-әрекеттер жасауға тартатын адамдарды анықтау бойынша рейдтер жоспарланған.
