Ақмолада жасөспірімді қорқытып, қарақшылық жасаған күдікті ұсталды, – деп хабарлайды Polisia.kz.
Ақмола облысы ПД криминалдық полиция қызметкерлерімен қарақшылық жасаған күдікті ұсталды. Жергілікті кәсіпкердің жасалған қылмыс туралы арызы Ерейментау АПБ кезекші бөліміне 14 қазанда келіп түсті.
Оқиға орнына дереу жедел-тергеу тобы келді. Сағат 13.00-де белгісіз ер адам өзін әкесінің танысы деп таныстыра отырып, кедергісіз үйге кіріп, жәбірленушінің кәмелетке толмаған ұлын қорқытып, 2,5 миллион теңгеден астам сомаға ақша қаражаты бар металл сейфті, сондай-ақ “ОРРО А5” маркалы ұялы телефонды ашық ұрлап әкеткені анықталды. Баланың айғақтары бойынша қаскүнем маскада мен қолғапта болған.
Жедел-тергеу іс-шараларын жүргізу кезінде полиция қызметкерлері қылмыскердің үй-жайлардың орналасуымен таныс екенін және сейфтің бар екенін білетіндігін көрсететін мінез-құлық белгілерін анықтады.
Полицейлер жәбірленушінің таныстарының шеңберін зерттеді, нәтижесінде күдікті – елордада тұратын 33 жастағы Ерейментау қаласының тумасы анықталды.
17 қазанда қаскүнемнің жұмыс орнын тексеру кезінде заттай дәлелдемелер, атап айтқанда өтініш берушіге тиесілі ұялы телефон мен сейф тәркіленді. Қаскүнем сейфтегі ақшаны ала алмаған.
Аталған факті бойынша 192-баптың 3-бөлігі (Қарақшылық) бойынша сотқа дейінгі тергеу әрекеттері жүргізілуде. Күдікті уақытша ұстау изоляторына қамалды.
