Ақмолалық әйел учаскелік полиция қызметкеріне тұрмыстық зорлық-зомбылықтан құтқарғаны үшін алғыс айтты, – деп хабарлайды Polisia.kz.
Шортанды ауданының тұрғыны учаскелік инспекторына алғыс хат жазып, полиция бөлімінің басшылығына жолдады.
Әйел мас күйінде болған және агрессия көрсеткен ұлымен отбасылық-тұрмыстық жанжалды шешуге көмектескені үшін полицейге алғысын білдірді.
– Менің атымнан оған мейірімді жүрегі үшін және мені ана ретінде түсінгені үшін алғыс айтамын, – деп жазады қарт әйел.
Учаскелік инспектордың айтуынша, 17 қаңтарда ол хат авторы тұратын ауылда қызметтік іссапарда болған.
– Әйелдің ұлына ҚР ӘҚБтК-нің 73-бабында көзделген әкімшілік құқық бұзушылық бойынша сот ерекше талаптар қойды. Бірақ құқық бұзушы мас күйінде үнемі болғандықтан, оларды елемей, анасына тыныштық бермейтін, – деді тәртіп сақшысы.
Ерекше талаптарды бұзғаны үшін құқық бұзушы әкімшілік қамауға алынды. Қазіргі уақытта ер адамды мәжбүрлеп емдеуге жіберу туралы мәселе шешілуде.
