Ақтөбелік полицейлер әйел жүргізушілерді 8 наурыз мерекесімен құттықтады,-деп хабарлайды Polisia.kz.
Бүгін Ақтөбе қаласының патрульдік полиция батальоны 8 наурызға арналған дәстүрлі акция өткізді.
Халықаралық әйелдер күніне орай патрульдік полиция қызметкерлері қызғалдақ гүлдерін алып, оларды жолда аялдап, өлең түрінде құттықтады. Әйелдер өз кезегінде жолдағы ерекше тосын сый үшін алғыстарын білдірді.
Полицейлер пікірінше, әйел жүргізушілер тәртіпті және жол қауәпсіздік ережесін сирек бұзады.
«Әйел жүргізушілер ерлермен салыстырғанда ЖКО-на сирек жол береді. Олар әлдеқайда сақ. Әйелдердің көпшілігі белгіленген жол жүру ережелерін ұстанады, жылдамдықтан аспайды, кез –келген жерде көліктерін қалдырмайды», – дейді Ақтөбе қаласы ПБ патрульдік полиция батальон қызметінің инспекторы Заманбек Қалиев.
