Шымкентте «Автобус» жедел-профилактикалық іс-шарасы барысында 728 құқық бұзушылық анықталды, – деп хабарлайды Polisia.kz.
Шымкент қаласы аумағында республикалық «Автобус» жедел-профилактикалық іс-шарасы өтуде. Тәртіп сақшылары төрт күн ішінде жолаушылар автобустарының жүргізушілері жасаған 728 құқық бұзушылықты анықтаған.
Атап айтқанда, іс-шара барысында маневр ережесін бұзған – 56, ұялы телефон пайдаланған – 225, техникалық байқаудан өтпеген 61 тұлғаға хаттама толтырды. Шығарындыларда ластаушы заттардың болуы нормативтен асып кеткен – 70, жолаушыларды, багажды және заттарды тасымалдау ережесін бұзған – 36, тиісті рұқсатсыз қайта жабдықталған көлік құралын басқарған – 62, рейс алдындағы техникалық және медициналық қарап тексеруден өтпеген – 12 жүргізуші анықталды.
Айта кетейік, жедел-профилактикалық іс-шара 13 қазанға дейін жалғасады.
