Қызылордадағы тергеу изоляторына аяқ киімге жасырып телефон өткізбек болды, – деп хабарлайды Polisia.kz.
Қызылорда облысында тергеу изоляторына аяқ киімге жасырып, телефон өткізбек болған әйел ұсталды.
Қызылорда қаласындағы ЗК-169/1 мекемесінің режим және күзет бөлімінің қызметкерлері сотталғандарға тыйым салынған заттарды мекеме аумағына өткізбек болған адамның қулығын әшкереледі. «Кісі өлтіру» бабы бойынша қамауда отырған інісіне, сәлем-сауқат жібермек болған апасының сәлемдемесін, мекеме қызметкерлері тексеру кезінде, аяқ киімнің табанына мұқият жасырылған “Nokia» ұялы телефоны және «Актив» сим-картасы мен қуаттағыш құрылғысын тауып, тәркіледі.Құқық бұзушыға қатысты ҚР Әкімшілік құқық бұзушылық туралы кодексінің 481-бабы бойынша хаттама толтырылып, іс-құжаттары Қызылорда қаласының мамандандырылған әкімшілік сотына жолданды.
